Пъæлицæйы кусджытæ æрцахстой фыдгæнæджы

Горæтгæрон районы пъæлицæйы хайадмæ æххуысагур фæсидтис, 1983 азы чи райгуырд, уыцы сылгоймаг. Куыд бамбарын кодта, афтæмæй дзы фесæфт сыгъзæрин цонгдарæн. Цалынмæ сылгоймаг йæ куыстытæ кодта медицинон куыстуаты, уæдмæ йын йæ хызын раафтид кодтой. Горæтгæрон районы пъæлицæйы кусджытæ фыдгæнæджы уайтагъд рацагуырдтой. Разынд бынæттон сылгоймаг. Фыдгæнæг куыд бамбарын кодта, афтæмæй сылгоймаг дзæбæхгæнæндонмæ æрбацыд йæ хæстæджы бабæрæг кæнынмæ. Хъæугæ уат агургæйæ бафтыд, медицинон кусджытæ сæ дзаумæттæ кæм фæивынц, уыцы бынатмæ. Куы никæй дзы федта, уæд сфæнд кодта дзыппыты азилын. Ахæм хуызы фæхæст ис медицинон хойы сыгъзæрин цонгдарæныл дæр. Æрбауæй йæ кодта, æхца та бахардз кодта йæхи пайдайæн. Ныртæккæ сылгоймаджы æрцахстой. Цауы фæдыл байгом кодтой уголовон хъуыддаг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv