100 азы сæххæст Фыдыбæстæйы Стыр хæсты ветеран, булкъон Мæрзойты Василийы райгуырдыл

Абон 100 азы сæххæст Фыдыбæстæйы Стыр хæсты ветеран, булкъон Мæрзойты Василийы райгуырдыл. Райгуырд Сындзыхъæуы. Хъомыл кодта бирæсывæллонджын бинонты 'хсæн. Сабийæ фæстæмæ бæллыд æфсæддон суæвынмæ. 16-аздзыдæй ахуыр кæнынмæ бацыд æфсæддон училищæмæ. Афæдз æмæ 'рдæджы фæстæ йæ арвыстой хæстмæ. Уым æрыгон æфсæддон ссис 997 Хуссар-хурныгуылæн фронты æхсæг къорды командыгæнæг, уый фæстæ та уыд 3-аг æхсæг батальоны 406 гвардион æхсæг полчы сæргълæууæг.  Архайдта Мæскуы æмæ Сталинграды тохты. Уæд ыл цыдис 19 азы. Æцæг хъæбатырдзинад кæй равдыста, уый фæдыл хорзæхджынгонд æрцыд Фыдыбæстæйы стыр хæсты  1-аг къæпхæны орденæй, дыууæ майданы райста «За боевые заслуги», «За оборону Москвы», «За оборону Сталинграда» æмæ æндæртæ. Номдзыд булкъон йæ  цардæй ахицæн 80 аздзыдæй. Йæ фырты зындзинад нæ ныффæрæзта - 58-æм æфсады командыгæнæджы хæдивæг, булкъон Мæрзойты Станислав. Йæ номыл номарæн изæр ацыд республикæйы ветеранты хæдзары. Сарæзтой йæ Æфсæддон-патриотон æхсæнад æмæ Дзæуджыхъæуы æхсæнадон советы хъæппæрисæй.