Хуссар Ирыстоны æнæнхъæлæджы цауты министрады ног сæргълæууæг сси Чочиты Азæмæт

Хуссар Ирыстоны æнæнхъæлæджы цауты министрады ног сæргълæууæг сси Чочиты Азæмæт. Ног министры йæ коллективимæ базонгæ кодта Хуссар Ирыстоны президент Бибылты Анатолий. Чочиты Азæмæт фæбузныг президентæй, кæй йыл баууæндыд, уый тыххæй. Ныфс ын бавæрдта, йæ куыст кад æмæ радимæ кæй æххæст кæндзæн, кæй кусдзæн йæ коллективы æнгомдзинадыл. Ныры онг министры хæстæ рæстæгмæ æххæст кодта министры фыццаг хæдивæг Бестауты Ацæмæз. Раздæры министр Тадтаты Алан та июны йæ куыст ныууагъта, республикæйы парламентмæ спикерæй æвзæрст кæй рцыди, уымæ гæсгæ. Чочиты Азæмæт ирвæзынгæнæн службæйы кусын райдыдта 1987 азы, зынгхуыссынгæнджыты къорды. Уый фæстæ куыста зынгсирвæзтыты ныхмæ паддзахадон управленийы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv