Цæгат Ирыстоны бархионтæ архайынц сæрмагонд форумы

Цæгат Ирыстоны минæвæрттæ архайынц Цæгат Кавказы федералон зылды бархионты форумы. Мадзал райдыдта 10-æм июлы Эльбрусы хохрæбын. Уый тыххæй хъусын кæны бархионты ассоциацийы центры пресс-службæ. Æдæппæтæй форумы архайы 250 адæймаджы. Нæ республикæйæ уæлдай ма сæ минæвæртты Кæсæг-Балхъармæ `рбарвыстой Дагестан, Мæхъæл, Хъæрæсе-Черкеси, Цæцæны республикæтæ æмæ Стъараполы край. Кæсæг-Балхъары бæрнон кусджытæ форумы уæвджытæн загътой бузныг, Цæгат Кавказы бархионты змæлды райрæзтыл кæй архайынц, уый тыххæй. Сæ ныхæстæм гæсгæ, Кæсæг-Балхъар алкæддæр цæттæ хъуыддагыл ахадынмæ. Бафтаудзыстæм ма уый, æмæ бархионтæн форумы фæлгæты сараздзысты тренингтæ, семинартæ, лекцитæ. Сæрмагонд фæзты дзурдзысты, бархионты змæлды уæрæхдæр райрæзтæн цы хъуыддæгтæ хъæуы саразын, уый тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv