Фæкарздæр уыдзæн

Фæндаггон фыдбылызы фæстæ чи æрбасатар уа, уыдоны æфхæрдзысты, куыд нозтджын шофырты, афтæ. Уый тыххæй закъоны проект сфидар кодтой Паддзахадон Думæйы. Ахæстоны фæбадыны æмгъуыд та аразгæ уыдзæн, аххосджынтæ адæймаджы æнæниздзинадæн цы зиан æрхæссой, уымæ гæсгæ. Стыр зиан куы разына, уæд закъонхалджытæн тæрхон кæндзысты, куыд нозтджын шофыртæн, афтæ. Ахæстоны фæбаддзæн 4 азы онг. Адæймаг куы амæла, уæд та 2 азæй 7 азы онг. Фæндаггон фыдбылызы амæттæгтæ дыууæйæ фылдæр куы уой, уæд та 4 азæй 9 азы онг. Административон хуызы закъонхалджытæ дзуапп дæтдзысты, фæндаггон фыдбылызы хъыгдард куы ничи баййафа, уæд. Ныртæккæ уал фæндаггон фыдбылызы фæстæ чи алидзы, уыдон æфхæрынц административон хуызы, кæнæ та сын сæ хæдтулгæ скъæрынæн бардæттæг гæххæттытæ байсынц. Закъоны фарс раздæр рахæцыд Уæрæсейы хицауады сæрдар Дмитрий Медведев дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv