Этнографион диктант ныффыстой нæ республикæйы

Этнографион диктант ныффыстой нæ республикæйы. Æппæтадæмон рухстауæн акци ацыд Хетæгкаты Къостайы номыл Цæгат Ирыстоны паддзахадон университеты. Йæ аразджытæ сты адæмыхæттыты хъуыддæгты федералон агентад, Удмуртийы националон политикæйы хъуыддæгты фæдыл æмæ нæ республикæйы ахуырад æмæ наукæйы министрадтæ. Акци снысан кодтой адæмы иудзинады бонмæ. Ацы акцийы сæйраг нысан у нæ горæты цæрджыты хуыздæр базонын кæнын сæ адæмы историимæ. Йæ фæрцы сæ зонындзинæдтæ фæбæлвырддæр æмæ фæарфдæр кодтой. Диктант ныффыстой 106 сæрмагонд фæзуаты. Сæхи равдыстой Уæрæсейы 85 регионы минæвæрттæ. Абон ма ацы акцимæ саккаг кодтой нæ республикæйы национ ахастдзинæдты фарстаты фæдыл министр Цуциты Аслан æмæ æхсæнадон организациты уæнгтæ. Уыимæ диктант ныффыстой ЦИПУ-йы студенттæ дæр. Фарстатæ уыдысты ирон адæмы истори æмæ æндæр адæмыхæттыты сæйраг паддзахадон арæнты тыххæй. Хатдзæгтæ базонæн уыдзæн 12 декабры, сæрмагонд сайт «МирЭтно.ru»-йы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv