Канд уæлæрвты бæрæгбон нæу абон, фæлæ ма нæ планетæйы дæр

Уæвгæ, канд уæлæрвты бæрæгбон нæу абон, фæлæ ма нæ планетæйы дæр. Сфидар æй кодтой 1971-æм азы Иугонд Нациты Организацийы хъæппæрисæй. Бæтгæ дæр æй барæй бакодтой, бон æмæ `хсæв куы сæмхуызон вæййынц, уыимæ. Уæд, дам, æрдз фæивы. Боны бындурæвæрæгыл нымад у америкаг æхсæнадон архайæг Джон Мортон. Суанг 1840-æм азы уый расидт стыр куыст бакæнынмæ зæхх цъæх фæлыстæй саив кæнынæн. Фæстæдæр йæхицæн йæ фæнд йæ зæрдæмæ афтæ фæцыдис, æмæ йæ хъæппæрис апарахат кодта æгас дунейыл. Зæххы бонæй уæдæй нырмæ рауад æцæг граждайнаг змæлд. Æрвылаз ын йæ фæлгæты саразынц алыхуызон мадзæлттæ, куыд экологон æмæ æрдзхъахъхъæнынадон, афтæ сабырдзинад тауæг дæр. Уыцы нысанимæ йæ бæрæг кæнынц Уæрæсейы дæр. Чи куыд сæрæн у, афтæ свæййы алыхуызон равдыстытæ, паддзахадон конференцитæ æмæ бирæ æрдзæфснайæн мадзæлтты амидингæнæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv