Сабитæм лæваримæ

Цæгат Ирыстоны Тæбæхсæуты Балойы номыл Ирон академион театры артисттæм разынд хорз хъуыды. Ныр сæ спектаклтæ æвдисдзысты районты дæр. Ахæм хæс сфæлдыстадон къордты размæ сæвæрдта республикæйы сæргълæууæг Битарты Вячеслав дæр. Уыцы фæтк адæмæн пайда у. Фылдæр хатт сын фадат нæ вæййы Дзæуджыхъæумæ ссæуынæн. Артистты фенынмæ та алчидæр фæбæллы. Ацы хатт сценæйы дæснытæ абалц кодтой Рахизфарсы районмæ. Беслæны 5-æм рæвдауæндоны сывæллæттæн сæ курдиат нæ бавгъау кодтой. Сабиты худт, хъæлдзæг цæстæнгас æмæ къухымдзæгъд. Беслæны 5-æм сывæллæтты рæвдауæндоны хъомылгæнинжгтæн абон рауад æцæг бæрæгбон. Сабитæм уазæгуаты æрбацыдысты сæ уарзон аргъауы хъайтартæ. Цæгат Ирыстоны Тæбæхсæуты Балойы номыл паддзахадон театры артисттæ æмæ аивадон къордтæ сывæллæтты зæрдæтæ арæх балхæнынц. Районты скъолатæ æмæ рæвдауæндæттæм арæх абалц кæнынц уазæгуаты. Уымæй уæлдай ма лæвæрттимæ. Равдисынц сын спектакльтæ æмæ концерттæ. Артисттæн уæлдай æхсызгон вæййы сывæллæттæн цæуын. Ацы мадзæлттæ сывæллæттæн пайда æмæ хъæугæ сты уый дызæрдыккаг нæу. Уый тыххæй дзурынц хъомылгæнджытæ дæр. Сабитæм ахæм хуызы гуыры уарзондзинад сæ райгуырæн æвзагмæ. Бæрæгбоны кæронбæттæн артисстæ сывæллæттимæ сарæзтой хъазт. Иумæ кафыдысты. Уымæй уæлдай ма систой къамтæ дæр. Аргъауы хъайтартæ сабитæн ныфс бавæрдтой тагъд рæстæджы та кæй фембæлдысты уымæй. Къуымæллæггаты Фатимæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv