Хуымæлæджы фæзындзæн ног амбулатори

Хуымæлæджы фæзындзæн ног амбулатори. Уый фехъусын кодтой проектон офисы æмбырды. Куыд рабæрæг, афтæмæй фæзынд инвестор дæр. Уый фæнд кæны саразын ног бæстыхай, æмæ адæмæн удæнцой скæнын. Ныртæккæ цæмæй Хумæллæджы цæрджытæ хуымæтæг анализтæ радтой, уый тыххæй цæуынц Беслæны рынчындонмæ. Уымæй уæлдай ма æмбырды сæ цæст æрдардтой ахуырадмæ. Республикæйы наукæ æмæ ахуырады министрад фæнд кæнын фæхуыздæр кæнын технологи æмæ ОБЖ кæй хонынц уыцы предметты хæрзхъæддзинад. Бадзырдмæ гæсгæ, иннæ аз респуликæйы хъæуты сараздзысты 8 сæрмагонд фæзы. Сæ куысты фæткмæ гæсгæ уыдон Советон цæдисы рæстæг цы комбинаттæ уыд, уыдонæй нæ хицæн кæндзысты. Бæрнон кусджытæ се`ргом аздææхтой культурон хæзнатæ бахъахъхъæнынæн цавæр мадзæлттæ арæзт цæуы, уымæ дæр. Цæгат Ирыстоны ахæм объекттæ ис 408, уыдонæй 207 хауынц федералон хыгъдмæ, иннæтæ  республикæмæ. 2020 азы бындуронæй цалцæггонд æрцæудзысты федералон нысаниуæг кæмæн ис ахæм 14 объекты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv