Цæгат Ирыстоны куыстуæттæ æнтыстджынæй бацархайдтой «ПРОДЭКСПО-2020» æппæтадæмон равдысты

Цæгат Ирыстоны куыстуæттæ æнтыстджынæй бацархайдтой «ПРОДЭКСПО-2020», зæгъгæ, æппæтадæмон равдысты. Егъау форум сарæзтой Мæскуйы. Стендтыл фенæн уыд нæ республикæйы егъаудæр æхсæнадтæ æмæ хи куыстуæтты продукци. Мадзалы уазджыты зæрдæмæ тынг фæцыдысты æхсæнад «Вершинæ»-йы ирон салд чъиритæ. Уыимæ ма цывзыдзæхтон «Соус нартов» кæй хонынц, уый дæр. Зæрдиагæй дегустаци скодтой нæ республикæйы дон, цай, хъæбынтæ æмæ ма бирæ æндæр хæринæгтæ. Номинаци «Лучший продукт»-ы дипломтæй схорзæхджын кодтой «Аланские ледники», «Тиб-Дон» æмæ «Кæрдзын», зæгъгæ, куыстуæтты. Аккаг аргъ скодтой амалхъом адæймаг Владимир Богачевæн. Уый уадзы дзидза æмæ къалбасы продукци. Бафтаудзыстæм ма уый, æмæ ацы аз равдысты архайдтой 2600 куыстуаты 70 бæстæйæ. Тæрхæджытыл фенæн уыд бирæ алыхуызон хæринæгтæ. Уыимæ ма равдыстой стыр программæ дæр. Уый фæрцы куыстуæтты разамонджытæ базонгæ сты кæрæдзиимæ. Уыимæ ма сарæзтой дæсныйадæвдисæн ахуыртæ. Экспозици ма бабæрæг кодтой федералон профилон ведомствоты, Падздзахадон думæйы, стæй Федерацийы Советы уæнгтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv