Уæрæсейы фæлхасгæнджытæм цæстдарды республикон управленийы æмæ медицинон академийы минæвæрттæ

Уæрæсейы фæлхасгæнджытæм цæстдарды республикон управленийы æмæ Цæгат Ирыстоны паддзахадон медицинон академийы минæвæрттæ фембæлыдысты Дзæуджыхъæуы 27-æм скъолайы ахуырдзаутимæ. Радзырдтой сын сæ службæйы истори æмæ йæ куысты тыххæй. Ныхас цыд санитарон-эпидемиологон цæстдард, фæлхасгæнджыты бартæ хъахъхъæнын æмæ басгæрстыты фæстæ цы хатдзæгтæ скæнынц, уыдоны тыххæй. Сывæллæты ма базонгæ кодтой медицинон академийы медикон-профилактикон факультетимæ дæр. Уым цæттæ кæнынц профилактикон медицинæйы кусæг дохтырты - гигиенисттæ, эпидемиОлогтæ, бактериологты. Лекцитæ сарæзтой скъоладзаутимæ профориентацион куысты фæлгæты.