Рацараздзысты йæ

Архонкæйы стæницæйы рынчындоны цалцæггæнæн куыстытæ райдайдзысты фидæны аз. Медицинон уагдон 1952 азы сарæзтой. Уæдæй абонмæ йæ бындуронæй нæ рацарæзтой. Бæстыхайы сæр хъæуы сног кæнын, йæ æддаг бакаст дæр у базилинаг. Хъæугæ уавæртæ дзы нæй фæлæ уæддæр рынчындон кусы фæткмæ гæсгæ. Медицинон лæггад дзы кæнынц 35 мин адæймагæн. Уыдон æрмæст Архонкæйы цæрджытæ не `сты фæлæ ма хæстæг районты цæрджытæ дæр. Ныртæккæ специалисттæ æппæт хъæугæ гæххæтытæ æмбырд кæнынц. Бæстыхайæн фыццаг баивдзысты йæ сæр, уый фæстæ та дзы райдайдзысты мидæггаг куыстытæ кæнын. Республикæйы æнæниздзинад хъахъхъæныны министрады та бындурон цалцæджы бюджет снысан кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv