Знон рауагъды рацыд "Ногдзау"-ы ивд номыр

Мыхуыры рацыд сывæллæттæн литературон-аивадон журнал «Ногдзау»-ы ног хуызы конд номыр. Журналы ног сæйраг редактор у Томайты Сергей, журнал «Барсич»-ы бындурæвæрæг æмæ йæ раздæры разамонæг. Куыд зæгъы, афтæмæй «Ногдзау» тынг ивд æрцыди. Цæмæй сабитæн хуыздæр æмæ æнцонæр æмбарæн уа, уый тыххæй дзы æрмæджытæ мыхуыргонд сты дыууæ æвзагыл – иронау æмæ уырыссагау. Фæзынд дзы бирæ ног рубрикæтæ дæр. Журналы бакæсæн уыдзæн ирон фысджыты æмдзæмгæтæ, аргъæуттæ æмæ зарджытæ, цымыдисаг базон-базонтæ, æмбисæндтæ, стæй ма алыхуызон ирон бæрæгбæтты тыххæй æрмæджытæ. Редакци бацархайдта рæзгæ фæлтæры æргом сæ мадæлон æвзагмæ аздахынылыл. Уæдæ цы гæххæтыл мыхуыргонд цæуы, уый хæрзхъæддзинад дæр дзæвгар фæхуыздæр. Уæ зæрдыл уын æрлæууын кæндзыстæм, журнал рухс федта 1937-æм азы. Цæуы дыууæ мæйы иу хатт. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv