Размæцæуæг фæсивæд

Цæгат Кавказы Хæххон-Металлургон институты студентты къордтæ алы аз дæр Норильскмæ арвитынц. Ацы аз дæр 55 лæппуйы дард балцмæ кадджын уавæры афæндараст кодтой. Студенттæ практикæйы уыдзысты компани «Никель»-ы. 4 мæйы сын амондзысты хæххон-металлургон промышленности технологитæ. Институты студенттæ сæхи хорз равдисынц. Бирæтæ дзы ахуыры фæстæ куысты дæр ныллæууынц. Уæвгæ, Хæххон металлургон институты студенттæ фæархайынц нæ бæстæйы егъау арæзтадты. Зæгъæм Сочийы, Зæрæмæджы, Екатеринбурджы, НовоАнгарскы æмæ Хабаровскы. Алкæддæр сын сæ куыстæн стыр аргъ скæнынц. Ацы аз студентты къордты сты архитектурон-амайæн, электро-механикон, æмæ хæххон-геологон хайæдтты 150 студенты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv