РЦИ-Аланийы спортсментæ абалц кодтой Европæйы чемпионатмæ уæгъдибар хъæбысхæстæй

Цæгат Ирыстойнаг богæлттæ равдисдзысты сæ хъарутæ Уæрæсейы чемпионаты уæгъдибар хъæбысхæстæй. Ацæудзæн Сочийы 5-æй - 7-æм июльмæ. Нæ республикæйы ерыстæм ацыдысты 40 спортсменæй фылдæр. Се`хсæн ис Уæрасейы æмæ Европæйы чемпионатты уалахиздзаутæ. Ацы азы ерыстæм сæхи бæстонæй цæттæ кодтой. Тренировкæтæ ныр кронмæ æрхæццæ сты. Кæробæттæны ма сæ арæхстдзинад равдыстой Цæгат Ирыстоны физкультурæ æмæ спорты министрæн. Нæ республикæйы иугонд командæ Уæрæсейы чемпионатмæ цæттæ у! Афтæ фтдарæй зæгъы йæ сæйраг тренер Гозымты Хетæг. Цæттæ кæнæн мадзæлтты кæронбæттæн къæпхæн фæци. Балцы размæ фæстаг тренеровкæтæ кæнынц. Спортсментæ сæхи куыд арæхстджынæй æвдисынц, уымæн аккаг аргъ скодтой. Ацы хатт спортсментæ уæлдай лæмбынæг цæттæ кодтой сæхи. 2019 аз у Олимпаг хъæзтытæм цæттæ кæныны фæстаг аз. Уымæ гæсгæ Чемпионаты хаддзæгтæ йæ архайджытæн ахадгæ сты. Ахæм хъуыдыйыл хæст у Олимпаг чемпион Рæмонты Сослан дæр. Спортсменты æнæниздзинад уæлдай ахсджиаг у. Уымæ лæмбынæг цæст дарынц. Уæдæ, уæлахизмæ фæндаг кæдфæндыдæр зын вæййы. Спортсментæ сæхæдæг бон æртæ хатты гауызмæ рахизынц. Æнтыстджынæй сæхи кæй равдисдзысты, уымæй сæ ныфс ис ныр дæр. Ахæм ахсджиаг хъуыддагмæ æмбæлгæ æвæрн хæссы республикæйы хицауад дæр. Æрдзон æвæрæнты æмæ экологийы министр Мамиаты Чермены номæй спортсментæн балавар кодтой спортивон уаладарас. Республикæйы спорты министрады минæвæрттæ та йæ схорзахджын кодтой майданай, физкультурæ æмæ спортмæ стыр æвæрæн кæй хæссы, уый тыххай. Уымæй уæлдай ма богæлтты бабæрæг кодта республикæйы физкультурæ æмæ спорты министр Гæбулты Владимир. Арфæйы ныхæстимæ афæндараст кодта фæсивæды ерыстæм. Ерысты хаддзæгтæ бæрæг уыдзысты 8-æм июльы. Уæлахиздзаутæй равзардзысты 2020 азы Уæрæсейы номæй Олимпаг хъæзтытæм чи ацæудзæн, уыцы спортсменты. Ныр та уал разæй зын ерысты 4 боны. Тауаситы Мæдинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv