Цæгат Ирыстоны ахуырады системæйы инфраструктурæйы райрæзтыл дзырдтой премьер Дзанайты Барис æмæ Уæрæсейы рухстауынады министры хæдивæг Андрей Николаев. Кусæг фембæлд уыд Мæскуыйы. 2022 æмæ 2023 азты цы скъолатæ сцалцæг кæндзысты, уыдонæн рахай кодтой 4 млрд сомы. Æмткæй райсгæйæ, 2026 азмӕ сног кæндзысты 76 скъолайы. Ныхас цыд республикæйы социалон-экономикон райрæзты мадзæлттыл. Снысан сæ кодта бæстæйы хицауад. Ныртæккæ аразынц 550 бынатæн скъола Беслæны æмæ 500 бынатæн - Хъызлары. Беслæны ма цæуы Сывæллæтты сфæлдыстады скъолайы рацарæзт дæр.