Уæрæсе æмæ Хуссар Ирыстоны `хсæн фæлхасадон зилдух ивгъуыд азы сырæзт

Хуссар Ирыстонимæ ахастдзинæдтæ та Владимир Путин банымадта хорзыл. Фæлхасадон зилдух дыууæ бæстæйы `хсæн афæдзæй-афæдзмæ рæзы. 2019 -æм аз дæр равдыста хорз бæрæггæнæн. Уый тыххæй ныхас цыд Кремлы, Бибылты Анатолиимæ фембæлды рæстæг. Хуссар Ирыстоны сæххæст кодтой 4 млрд 270 милуан сомæн инвестицион программæ. Дыууæ президенты бæстонæй æрдзырдтой Хуссар Ирыстоны дарддæры райрæзтыл. Республикæйы æххæст кæнынц сæйрагдæрыл нымад чи сты, уыцы мадзæлттæ. Бибылты Анатолийы ныхæстæм гæсгæ Кавказы хъуыддæгты фæдыл раздæры министрад æмæ Уæрæсейы президенты администрацийы æмгуыстады фæрцы къухы бафтыд бирæ æнтыстытæ. Нæ размæ цы хæслæвæрдтæ сæвæрдтам уыдон иууылдæр сæххæст кодтам - фæнысан кодта Хуссар Иры президент. Бæрæггæнæнтæ куы райсæм, уæд инвестицион программæ 2018 азы Хуссар Ирыстоны æххæстгонд æрцыд 100%, 2019 азы та 97%. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv