Цæгат Ирыстоны хæххон металлургон институты уыд Хъæрджынты Хъазыбеджы номыл фыст чиныджы презентаци

Цæгат Ирыстоны паддзахадон хæххон-металлургон институты абон уыдис зындгонд адæймаг, тенологон наукæты дохтыр, паддзахадон премийы лауреат, хæххон наукæты академийы академик, хицауады сæрдар, Хъæрджынты Хъазыбеджы номыл фыст чиныджы презентаци. Йæ ном ын æрхъуыды кодтой нæ республикæйы хицауады минæвæрттæ, институты студенттæ, хорз æй чи зыдта, уыцы адæм, æмæ йе 'мбæлттæ. Уыимæ ма бæлвырддæр æрдзырдтой, Хъæрджынты Хъазыбегыл цы чиныг ныффыстой, ууыл дæр. Йæ автор, журналист Андрей Черницын куыд бафиппайдта, афтæмæй уый йæ сæйрагдæр хæсыл банымадта, хъайтары удыхъæд æмæ йæ фæлгонц раргом кæнын. Уый ацы чиныджы сюжетыл фæкуыста афæдзæй фылдæр. Ныхас кодта йæ чызгимæ, хæстæджытимæ, йæ хорз æмбæлттимæ. Цæвиттон, бацархайдта, цæмæй, мыхуыры цы чиныг рацыд, уый адæмы зæрдæмæ фæцæуа. Чиныг «Казбек промышленных масштабов» мыхуыры рацыд Мæскуыйы. Фыст дзы æрцыдысты Хъæрджынты Хъазыбеджы цардвæндаг æмæ йæ куысты хабæрттæ. Уымæн йæ царды фылдæр хай баст уыдис компани «Норильский никель»-имæ. Йæ чызг Хъæрджынты Верæ нын куыд зæгъы, афтæмæй уый йæхицæн стыр кадыл нымайы, йæ фыдæн ын ахæм аргъ кæй скодтой, уый. Куыд ма бафиппайдта, афтæмæй чиныг кæсгæцæ йæ цæстытыл уадысты йæ фыды диссажды миниуджытæ, йæ хæлардзинад, æмæ йæ цымыдис цæстынгас цардмæ. Хъæрджынты Верæ куыд нымайы, афтæмæц йæ фыд бирæ хорз миниуджытæй æххæст уыд, фæлæ сæйрагдæр уыд рæстуд, рæстзæрдæ æмæ æнæхин. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv