Битарты Вячеслав архайдта Кæсæг-Балхъары ног сæргълæууæджы инаугурацийы кадджын мадзалы

Цæгат Ирыстоны сæрглæууæг Битарты Вячеслав архайдта Кæсæг - Балхъары сæргълæууæг Казбек Коковы инаугурацийы кадджын мадзалы. Республикæйы хицауады хæдзармæ ма сæмбæлдысты Уæрæсейы прездиенты æххæстбарджын минæвар Цæгат Кавказы Федералон Зылды Александр Матовников, Цæгат Кавказы хъуыддæгты фæдыл министр Сергей Чеботарев, Хуссар Ирыстоны президент Бибылты Анатолий æмæ Паддзахадон думæйы депутаттæ. Битарты Вячеслав йæ ныхасы куыд фæбæрæг кодта, афтæмæй Казбек Коковы размæ цы ахсджиаг хъуыддæгтæ лæууынц, уыдонæй æнтыстджынæй сæххæст кæндзæн. Уый дæсны æмæ фæлтæрдджын кæй у, уый тыххæй. Уæ зæрдыл уын æрлæууын кæндзыстæм, 3-æм октябры Кæсæг - Балхъары параламент иумæйагæй Казбек Коковы равзæрста республикæйы сæргълæууæгæй. 2018 азы нырмæ регионы разамонæджы хæстæ æххæст кодта рæстæгмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv