Ахсджиаг хъуыддаг

Сывæллæтты дзæбæхгæнæн лагерь «Металлург» ныр уыдзæн Цæгат Ирыстоны бархионты ресурсон центры хай. Уый сбæрæг нæ республикæйы сæргълæууæг Битарты Вячеслав æмæ Паддзахадон Думæйы депутат Таймæзты Артуры фембæлды рæстæг. Уагдонæн йæ нысан дæр нæ аивдзысты. Сывæллæттæн сæ бон дарддæр уыдзæн сæ рæстæг пайдаимæ æрвитын ацы лагеры. Таймæзты Артур куыд фæнысан кодта, афтæмæй завод «Электроцинчы» бæрны цы уагдæттæ уыд, уыдон республикæйæн лæвæрд кæй æрцыдысты, уый бюджетæн йæ уавæр фæзындæр кæндзæн. Уый фæдыл Таймæзты Артур бацархайдта æмæ ссардта бюджетмæ чи нæ хæуы, ахæм уæлæмхасæн фæрæзтæ. Уымæй уæлдай ма æрныхас кодтой æндæр ахсджиаг фарстатыл дæр. Зæгъæм Паддзахадон думæйы депутат баныхас кодта Мæскуыйы Мэриимæ, цæмæй Цæгат Ирыстонæн лæвæрд æрцæуой бæлцæттæ ласæн автобустæ. Ныридæгæн кусынц техникон фарстатыл. Битарты Вячеслав бузныджы ныхæстæ загъта не мзæххонæн, йæ райгуырæн бæстæмæ йæм æдзухдæр сæрмагонд цæстдард кæй ис, уый фæдыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv