15 мин квадратон метры бæрц фылдæр цæрæн хæдзæрттæ

Цæгат Ирыстоны 2019 азы фæзынд афæдзы пъланæй 15 мин квадратон метры бæрц фылдæр цæрæн хæдзæрттæ. Уый сæрмагонд национ программæйы фæлгæты - «Жилье и городская среда», зæгъгæ. Ивгъуыд азы республикæйы фæзынд 229 мин ног квадратон метры. Æндæр азимæ абаргæйæ уый у 7,3% фылдæр. Афтæмæй йæ банымайæн ис æнтыстдзинадыл. Æдæппæтæй 2019 азы фæнд кодтой саразын 214 мин квадартон метры. Уыдонæй 63 мины æмæ 200 кв метры бæрц сарæзтой хи хæдзæрттæ. 2018 азимæ абаргæйæ ацы бæрæггæнæн 31% фæфылдæр. Уæд республикæйы сарæзтой 45 мин квадратон метры. Ацы аз республикæйы саразын фæнд кæнынц ног цæрæн хæдзæртты 238 мин кв. метры. Ахæм бæрæггæнæтæ хъусын кæнынц Арæзтад æмæ архитектурæйы министрадæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv