Къаддæрæй каддæр

Цæгат Ирыстоны зайæгойты иуæй-иу хуызтæ къаддæрæй-къаддæр кæнынц. Специалисттæ хъуыдымæ гæсгæ - адæмы аххосæй. Раст се не `мбырд кæнынц. Куыд сæ хъæуы æмбырд кæнын, уый зоны Роальд Каупуш. Хъæды алы фæзилæн дæр ын зындгонд у. Йæ цард йемæ бабаста. 1962 азы йæ сæрвыстой Цæгат Ирыстонмæ хъæды хæдзарады техникум байгом кæнынмæ. Уæдæй абонмæ студенттæн йæ зонындзинæдтæ не `вгъау кæны. 87 азмæ бирæ цыдæртæ федта. Ахуыргонд зæрдæрисгæйæ дзуры, Цæгат Ирыстоны алыхуызон зайæгойтæ куыд сæфынц, уый тыххæй. Фæуæн кæмæн нæ уыд, уыцы давон дæр арæх нал æмбæлы. Роальд Каупуш куыд зæгъы, афтæмæй уый адæймаджы аххос у. «Ныртæккæ давон хъæдрæбынмæ сивгъуыдта. Боны ахаст нæ аивта. Давон фæкъаддæр уымæн, æмæ йыл адæм сырдтау сæхи ныццавтой. Нæ йæ зонынц, куыд æй æмбырд кæнын хъæуы, уый, æмæ йæ скуынæг кодтой», - Роальд Каупуш. Давон æмбырд кæнын æнцон хъуыддаг нæу. Тонынмæ йæ чи рацæуы, уыдон ын бирæ хатт æмбаргæ дæр ницы фæкæнынц. Суанг ма халамæрзæнæй дæр спайда кæнынц. Фæлæ уымæй æвналын æмбæлы, æрмæстдæр бæлæсты сыфтæр зæххыл цалынмæ ис, уæдмæ. Науæд фидæны аз хъæддаг нуры зайгæ дæр нал скæндзæн. Адæм фырзыдæй æрдзыл хъуыды дæр нал кæнынц. Роальд Каупуш куыд зæгъы, афтæмæй сын арæхдæр хъæуы сæ зæрдыл æрдзыл аудыны хъуыды æрлæууын кæнын. Хъуамæ давонæн мыггаг акалын æнтыса. «5-æм азмæ мæнæ ам къуыбæрттæ фæзынд. уыдон фидæны сыф рауадзысты. Æмæ йæ уæд арæхстгай слыг кæнæн уыдзæнис. Фæзыл хъуамæ ныууадзæм давæттæ рæзгæ. Уымæн æмæ сæ сеппæт куы стонæм, уæд ацы бынатыл нал æрзайдзысты», - Роальд Каупуш. Зæгъæм, Уæрæсейы фараст регионы бахастой Сырх чиныгмæ. Роальд Каупуш йæ зæрдæ дары, адæм ацы зайæгоймæ куыдфæндыйы цæстæй кæй нал кæсдзысты, уымæй. Хъуамæ уыцы номхыгъды Цæгат Ирыстон 10-æм бынат ма бацахса. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv