Рады - сывæллæтты рæвдауæндонмæ

Нæ республикæйы рæвдауæндæтты бынæттæ фаг кæй нæй, уый дызæрдыггаг нæу. Кæд ныййарджытæ сывæллæтты сæ райгуырдæй фæстæмæ рады сæвæрынц, уæддæр бирæ хатт саби рæвдауæндоны къæсæрæй кæсгæ дæр нæ бакæны.  Ныййарджыты бахъæуы хæдзары бадын, сæ бон куыстмæ рацæуын дæр нæу. Уæдæ сабитæ дæр скъолайы агъоммæйы ахуыртæ дæр нæ райсынц. Бæлвырддæр хабæрттæ - нæ дарддæры æрмæджы. Натальяйæн ма ис чызг дæр - Аня. 4 мæйы йæддæмæ йыл нæ цæуы. Натальяйы ныхæстæм гæсгæ, сывæллæттæм иунæгæй кæсын зын у. Фæлæ сæ хъомыл кæнын тынг ахсджиаг у. Æмæ тынг бузныг у йæ мад æмæ йын йæ фыд кæй æххуыс кæнынц, уый тыххæй. Рæвдауæндонмæ та нырма раджы у. Пашæйы рады сæвæрдта афæдз æмæ æрдæджы размæ. Уæд уыдис 6 мины æмæ 300 - йæм. Ныр уавæр фæхуыздæр ис. Ныртæккæ рады стæм 2375-æм, фырон та, ноябры уыдыстæм 2589 4 мæймæ рад фæкъаддæр 200 бынаты. Иннæ аз Пашæйыл сæххæст уыдзæн 3 азы. Рæвдауæндомæ цæуын афон. Уæдмæ та уал йæ мад æмæ йæ фыдимæ вæййы хæдзары, ахуыр кæны æмдзæвгæтæ, базоны ног чингуытæ. Æндæр гæнæн ын нæй. Гошæйыл та 3 азы цæуы. Уый дæр уарзы йæ мадимæ чингуытæ кæсын. Йæ *фсымæр, Боря та - пластилинæй хъазын уарзы . Абайты бинонты 3 лæппуйы ис. Æртæйæ дæр уыдысты сывæллæтты рæвдауæндоны. Рады лæууын сæ нæ бафæндыд. Равзæрстой чысыл хи рæвдауæндон. Ольгæйы ныхæстæм гæсгæ, афтæ хуыздæр у. Абайты Ольгæ: «Уым сæм дзæбæх кæсынц, къордты бирæ сывæллæттæ нæй. Мæнæ карантин куы уыд, уæддæр цыдысты рæвдауæндонмæ. Сæ фындз дæр куы быра, уæддæр сæм кæсæг ис, уым сæ сæхæдæг дзæбæх кæнынц. Паддзахадон рæвдауæндоны та афтæ нæ уыд. Мæ хистæр фырт арæх рынчынтæ кодта æмæ иу паддзахадон рæвдауæндонмæ мæй искуы хатт бацыди. Хи рæвдауæндонмæ та æнæцухæй цæуæм". Ольгæ иннæ ныййарджытимæ арæх фæныхæстæ кæнынц. Сæ фылдæр тыхсынц сæ рад кæд æрхæццæ уыдзæн, уымæй. Уый хыгъд хи рæвдауæндоны хъомылгæнджыты куыстæй бирæтæ разы сты, сæ зæрдæмæ цæуы сывæллæттæм сæ хъус куыд дарынц æмæ сын ахуыртæ куыд аразынц, уымæй. Уый уæ базонгæ кодтам цалдæр бинонты уавæримæ. Фæлæ ныййарджыты хъуыдымæ гæсгæ, æмткæй та кæд уавæр аивыныл куыст цæуы, уыддæр нырма бæллиццаг нæу. Мадæлты сæ сывæллоны цы рæвдауæндонмæ радтын фæнды, уыдонмæ арæх дард цæуын фæхъæуы. Хæстæг чи сты - уыдон та дзаг сты, кæнæ та куыд кусынц, уый сæ зæрдæмæ нæ цæуы. Специалистты ныхæстæм гæсгæ, кæд ныййарджытæн сæ ныфс нæ сæтты, уæд сæ рады рагагъоммæ слæууын хъæуы. Сывæллоныл 4 мæйы куы цæуа, уæд. Уый тыххæу та паддзахадон лæггæдты сайты , кæнæ та бирæвæрсыгон центртæй иуы хъæуы курдиат ныффыссын. Ацы аз байгом кодтой цалдæр рæвдауæндоны, фæлæ уæддæр сывæллæттæн фаг бынæттæ нæй. Ныртæккæ рады 2 мин сывæллонæй фылдæр лæууы. Гогаты Марат, Виктория Базгадзе, Цорæты Чермæн - Ирыстоны Хабæрттæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv