Сочийы йæ тæмæны бацыд журналистты форумы цыппæрæм бон

Сочийы дарддæр цæуы нырыккон журналистикæйы форум "Æгас Уæрæсе - 2023". Къабазы ахсджиагдæр фарстатыл æрдзурынмæ йæм æрбамбырд мин адæймагæй фылдæр. Ацы аз уæлдай æргом здахынц сæрмагонд æфсæддон операцимæ. Раззагдæр хæстон уацхæсджытæ аразынц лекцитæ æмæ дæсныйадæвдисæн ахуыртæ. Æрвылаз Цæгат Ирыстон форуммæ бацæттæ кæны стенд. Знон уыд йæ презентаци. "Алани: ивгъуыдæй фидæнмæ". Нæ делегацийы равдыст уыд форумы ирддæр мадзæлттæй иу. Нæ фæзы суазæг кодтам Дагестан, Воронеж, Якути æмæ æндæр регионты минæвæртты. Абон ныхас цæуы журналистикæйы ивддзинæдтыл информацион ныхмæлæуды дуджы. Спикер у Фыццаг каналы амонæг Александр Смол.