Хетæгкаты Къостайы номыл централон парк рамбылдта адæмон æвзæрстыты

Хетæгкаты Къостайы номыл централон парк рамбылдта адæмон æвзæрстыты. Дзæуджыхъæуы цæрджытæ бон раздæр æвзæрстой, горæты фыццаджыдæр цы фæлладуадзæн бынат цалцæггонд хъуамæ æрцæуа, уый. Æвзаргæ та кодтой дыууæ раны æхсæн - централон парк æмæ Терчы былгæрон. Цалцæггæнæн куыстытæ цæудзысты æнцонвадаты цардыуаджы федералон проекты фæлгæты. Райдайдзысты ацы аз. Проекты дизайн та арæзт æрцæудзæн хæстæгдæр рæстæджы. Æвзарæн къамисы минæвæрттæ куыд зæгъынц, афтæмæй хъæлæс кæнынмæ æрбацыд 136 мин адæймаджы. Уæ зæрдыл уын æрлæууын кæндзыстæм, проект «æнцонвадаты цардыуаг» арæзт у нæ бæстæйы президент Владимир Путины хъæппæрисæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv