Республикæйы скъолаты бæрæг кæнынц зынгсирвæзты ныхмæ æдасдзинады системæтæ

44-æм скъолайы æппæт лыстæгдзинæдтыл дæр бакуыстой. Зæгъæм, электрон тых аххуысыд, уæд батарейты хъару цалдæр сахатмæ не 'рмынӕг уыдзӕн. Рухс дæтдзысты аварион системæмæ гæсгæ. Алы уæладзыджы дæр ис, зынгсирвæзтæн чи бафæраза, ахæм дуæрттæ. Уыдон нæдæр арт уадзынц, нæдæр фæздæг. Алы къласы зынгсирвæзты ныхмæ цалдæр гарзы. Системæйы куыст бæрæг кæнынц æрвылмæй дæр. Егъау ахуыртæ аразынц æппынæдзух. Ахæм куыст цæуы 24-æм скъолайы дæр. Сӕвæрдтой дзы зынгсирвæзты ныхмæ автоматикон сигнализаци. Фыдбылызы рæстæг скусдзæн æвæстиаты хъусынгæнæн системæ. Ахуыргæнджытæ иттæг хорз зонынц эвакуацийы рæстæг архайды лыстæгдзинæдтæ. Цæгат Ирыстоны скъолаты зынгсирвæзты ныхмæ системæтæ сбæрæг кæнын бабар кодта Сергей Меняйло. Ам фæткхæлдтытæн хъуамæ бынат ма уа. Горæты администрацийы дзуапдæттæг управленийы специалисттæ мониторинг арæх аразынц. Зынгсирвӕзты ныхмæ системæйы райрæзтыл кусынц, уыимæ фæткхæлдтытæ иуварс кæнынц. Куыст æнтыстджынæй цæуы фæстаг азты. Æдасдзинады специалисттæ къабазмæ здахынц уæлдай æргом.