Бехъаны цад бахастой национ проект «Экология»-мæ

Бехъаны цад бахастой национ проект «Экология»-мæ. Регионалон нысаниуæг кæмæн ис, æрдзы ахæм цыртдзæвæн бахастой доны объектты реестрмæ. Уыдонæн та хъæуы саразын экологон реабилитаци. Ацы цад у æрдзон комплекс «Урочище Бекан»-ы кæцыдæр хай. Ис ын стыр экологон æмæ рекреацион-эстетикон нысаниуæг. Ныридæгæн объект ис нæ республикæйы æрдзон æвæрæнты æмæ экологийы бæрны. Ведомство архайы йæ хъахъхъæнынадыл. Профилон министр Мамиты Чермены ныхæстæм гæсгæ рагагъоммæ бацæттæ кодтой проектон-сметон гæххæттытæ. Уый фæстæ та æмбæлгæ курдиат арвыстой нæ бæстæйы экологи æмæ æрдзон æвæрæнты министр Дмитрий Кобылкинæн, цæмæй объект бахæссой сæрмагонд федералон проектмæ. Хъуыддаг фæнд кæнынц саразын ацы аз. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv