2020 аз нысангонд æрцæудзæн намыс æмæ мысæн азыл

Уæрæсейы президент ацы аз бафыста бардзырд, цæмæй 2020 аз нысангонд æрцæуа намыс æмæ мысæн азыл. Уый фæдыл ныридæгæн аразынц хъæугæ мадзæлттæ. Уыдонæн сæ иу у, нæ республикæйы сывæллæтты сфæлдыстады галуаны кæстæрты патриотон хъомылады фæдыл абон цы практикон конференци ацыд, уый. Сарæзтой йæ Цæгат Ирыстоны ахуырад æмæ наукæйы министрад, уыимæ ма фæсивæды хъуыддæгты комитеты хъæппæрисæй. Йæ сæйраг нысан у - ахуырады куыстуæтты граждайнаг æмæ патриотон куысты хæрзхъæддзинадыл бакусын. Уыимæ ма æрвылаз архайджытæ семинары актуалон æмæ ахсджиаг фарстатыл бæстонæй æрдзурынц. Саразынц ма сæрмагонд программæтæ дæр. Уымæ гæсгæ фидæны куыст размæ æнцондæрæй цæудзæн, æмæ семинары æнтыстдзинæдтæ бæрæг дардзысты. Бафиппайын ма хъæуы уый дæр, æмæ ныртæккæ нæ республикæйы ахуырадон куыстуæтты цæуынц алыхуызон мадзæлттæ, цæмæй фæсивæды хъомыладон куыст нывыл уа, уый тыххæй. Семинар аразджыты ныхæстæм гæсгæ, ацы мадзал арæзт цæуы 2018 азы 10 октябрæй нырмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv