Æдасдзинады къуыри

Цæгат Ирыстоны паддзахадон автоиспекцийы кусджытæ 6-æм скъолайы фыццаг къласы скъоладзаутæн сарæзтой  «Æдасдзинады къуыри». Инспектортæн хъæугæ æххуыс бакодтой хистæр кълæсты ахуыргæнинæгтæ. Фистæг бæлццоны хæстæ скъоладзаутæн æмбарын кодтой хъæзтыты хуызы. Автоинспекцийы кусджытæ сывæллæтæн бамбарын кодтой, фæндаггон нысæнттæн цы ахадындзинад ис, уый. Радзырдтой сын горæты уынгты хи дарыны `гъдæуттæ. Ахæм акци Фæндаггон æдасдзинады паддзахадон инспекцийы фыццаг хатт нæ сарæзтой. Сабитæ ма семæ абалц кодтой нæ горæты уынгтæм, сæхи цæстæй федтой фæндагыл цæуыны `гъдæуттæ. Сабитæ кадджын уавæры дзырд радтой, сæхи хорз кæй дардзысты горæты фæндæгтыл, домæнтæ куыд амонынц, афтæ. Нæ ферох сты горæты хæдтулгæты шофыртæ дæр. Æдасдзинады инспектортæ сын бацæттæ кодтой æмбæлгæ хъусынгæнинæгтимæ фыстæджытæ. Базонын сын кодтой "Æдасдзинады къуыри"-йы миниуджытæ. Фæсидтысты сæм, цæмæй фæндæгтыл цæугæйæ уой къæрцхъусдæр , уæлдайдæр та ахуырадон кусæндæтты цур. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv