Абон Уæрæсейы бæрæг кæнынц граждайнаг авиацийы бон

Уæрæсейы абон бæрæг кæнынц граждайнаг авиацийы бон. Сæ профессионалон бæрæгбон бæрæг кæнынц къабазы æппæт кусджытæ дæр. Ацы дæсныйадмæ хуымæтæджы æрбацæуæн нæй, хъуамæ йæ адæймаг æмбара, цы ахсджиаг æмæ бæрнон хæстæ æххæст кæндзæн, уый. Уæрæсейы бæлццæттæ уæлдæфон лæггæдтæй пайда кæнын райдыдтой 1910 азы. Уæд фæзынд фæсарæйнаг бæстæтимæ бастдзинад дæр. Цæгат Ирыстоны ис иунæг аэропорт, уымæ гæсгæ йын ис стыр ахадындзинад.