4 милуан адæймагæн 1-æм апрелæй сæ пенситыл бафтдзæн 8,6%

4 милуан адæймагæн сæ пенситыл бафтдзæн 1-æм апрелæй фæстæмæ. Сæрмагонд бардзырд бафыста премьер Михаил Мишустин. Социалон æмæ паддзахадон инфтонгады пенситыл бафтдзæн 8,6%. Индексацийы тыххæй раздæр дзырдта президент Владимир Путин. Йæ ныхæстæм гæсгæ, уый хъуамæ уа инфляцийы бæрæггæнæй фылдæр. Фæллойы министрад куыд хъусын кæны, афтæмæй федералон бюджетæй уымæн рахай кæндзысты 33 млдрд сомы. Уæ зæрдыл уын лæууын кæнæм, социалон пенси лæвæрд цæуы фæдзæхстадон пенсийæ 5 азы фæстæдæр. Социалон исынц 3 млн адæймаджы. 700 мин адæймаджы та фиддонтæ исынц паддзахадон пенсион ифтонгадмæ гæсгæ. Ныхас цæуы паддзахадон кусджытæ, инвалидтæ, æфсæддонтæ, кусынхъом чи нæу, хæдзардарæг кæм амард, уыимæ æгуыст адæмы категоритыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv