Дзæуджыхъæумæ æрбахæццæ фæндаггон æдасдзинадыл ахуыргæнæг автобус-тренажер

Æцæг мобилон ахуыргæнæн кълас. Дзæуджыхъæумæ æрбахæццæ, Уæрæсейы æмбал кæмæн нæй, ахæм автобус-тренажер. Йе 'ххуысæй сывæллæтты ахуыр кæнынц фæндаггон змæлды фæткыл. Ифтонггонд у мультимедион кусæнгарзæй. Фæзмыны зынгсирвæзтытæ æмæ фæндаггон фыдбылызтæ. Паддзахадон автоинспекцийы кусджытæ сывæллæттæн радзырдтой æдасдзинады домæнты тыххæй. Раздæр уал байхъуыстой теоримæ, дарддæр та рахызтысты практикæмæ. Сывæллæттимæ иумæ ахуырадон балцы уыд манекен Ваня дæр. Уый йæхиуыл æвдыста, цæмæн хъæуынц æдасдзинады гæрзтæ, æмæ цы æрцæудзæн адæймагыл, йæхи уыдонæй куы не 'рбабæтта, уæд. Республикæмæ автобус æрбацыд Грознайæ. Йæ иннæ æрлæууæн бынат та уыдзæн Кæсæг-Балхъар.