Дзæуджыхъæуы райдыдта регионалон наукон практикон конференци

Уæрæсейы терапевтты æмæ медицинон æхсæнады регионалон наукон-практикон конференци райдыдта Цæгат Ирыстоны медицинон академийы. Аххæсдзæн 2 боны. Мадзал сарæзтой 58 хатт. Конференцийы архайынц Мæскуыйы, Донецкы æмм Цæгат Кавказы федералон зылды медицинон æхсæнады уæнгтæ. Фæлтæрдджын специалистты лекцитæм байхъусынмæ æрбацыдысты медицинон академийы студенттæ æмæ æндæр регионты минæвæрттæ. Æдæппæтæй 450 адæймаджы. Æмбырды рæстæг суинаг дохтыртæ радзырдтой нырыккон практикон медицинæйы тыххæй. Уымæй уæлдай ма тынтæй дзæбæхгæнæн мадзæлтты тыххæй. Ацы аз Уæрæсейы терапевтты медицинон æхсæнадыл æххæст кæны 110 азы. Йæ сæйраг хæс у терапевтты цæттæдзинад азæй-азмæ хуыздæр кæнын. Конференцийы фæлгæты нæ республикæйы медицинон академийы хуыздæр кусджыты æмæ практикæ цы дохтыртæ цæуынц, уыдоны схорзæхджын кодтой кады гæххæттытæй æмæ бузныджы фыстæджытæй. Афтæмæй ма нæ республикæйы терапевтты медицинон æхсæнады сæрдар Тотраты Игоры схорзæхджын кодтой Василий Шервинскийы номыл майданæй. Ацы аз, конференци снысан кодтой зындгонд терапевт, Григорий Захарьевы 190 азы кадæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv