РЦИ-Аланийы сæргълæууæг Сергей Меняйло фембæлд Уæрæсейы премьеры хæдивæг Александр Новакимæ

Республикæйы сæргълæууæг Сергей Меняйло Мæскуыйы фембæлд Уæрæсейы хицауады сæрдары хæдивæг Александр Новакимæ. Æмбырды сæйраг фарстатæ - республикæйы социалон-экономикон уавæр, æнæмæнг ахсджиаг продуктты æргъты мониторинг, амалхъомадæн æххуыс æмæ регионы экономикон райрæзт. Александр Новак Сергей Меняйлойæн бабар кодта регионы æргъты фарста хи бæрны бакæнын. Уæлдай æргом аздахын хъæуы агропромышленон, транспортон-логистон, туристон комплексты раззагдæр проекттæм. Се 'хсæн курорт Мамысон дæр. Артаджы, энергетикæйы комплексы æмæ цæрæнуæтты коммуналон хæдзарады райрæзты программæтæ. Проектты райрæзты руаджы республикæйы фæзындзæн уæлæмхасæн инвестицитæ, ног куысты бынæттæ, фæнысан кодта Александр Новак. Сергей Меняйло куыд бафиппайдта, афтæмæй цæттæ у республикæйы раз цы фарстатæ лæууы, уыдоныл бакусынмæ. Уыимæ регионæн ис стыр хъомыс проекты райрæзтæн санкциты рæстæг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv