Цыттæдзинады тыххæй

Тарскæйы полигоны цæуынц Хуссар æфсæддон зылды ахуыртæ. Архайынц дзы 500 æфсæддонæй фылдæр, техникон иуæгты нымæц та у 200-мæ `ввахс. Мæйы бæрц кусынц хæстон уавæрты хæслæвæрдтыл. Ахуыр кæнынц хæцæнгæрзты алы хуызтæй æхсыныл. Се `хсæн залпæй зынджы реактивон системæтæ Град æмæ Ураган, сæхи тыхæй цæуæг артиллерион хæцæнгарз Малка, миномёттæ – Тюльпан æмæ `ндæртæ. Æфсæддонтæ хъуамæ æнæмæнг акъахой мысан. Нæ уацхæсджыты æрмæг – ахуырты тыххæй. Хæстон ахуырты æвдыст цæуы артиллерийы æппæт тых. Градтæ, минометтæ æмæ реактивон системæ «Ураган». Ифтыгъд сты хæстон æцæг хæцæнгарзæй. Æфсæддонтæ рагацау сæ бынæттæ ссардтой, æхстытæ кæцæй цæудзысты, уым. Командыгæнæг сæрыстырæй дзуры хæцæнгарзы миниуджыты тыххæй. Техникæ – нырыккон дуджы домæнтæн дзуапдæттæг. Æмбал ын нæй. Алы хæцæнгарзыл дæр дзуапп дæттынц 5 адæймагæй. Алчидæр дзы иттæг хорз зоны йæ хæстæ. Хæстон ахуырты ууыл фæкусынц, цæмæй хæслæвæрдтæ раст конд цæуой. Хæстон ахуырты мæнг хъуыдымæ гæсгæ артиллеристты хæс у знаджы ядерон фæрæзтæ, минометон батарейæтæ, танктæ æмæ æндæр фидарзгъæрджын техникæ ныццæгъдын. Ахуыр кæнынц æмбæхст ранæй, кæй уынынц æмæ чи нæ зыны, уыцы мысантæ къуырыныл. Уымæй уæлдай ма хъуамæ фæцалх уой ныхæй-ныхмæ ныббырсты арæхстдзинæдтыл хæххон уавæрты. Æфсæддонтæ Тарскæйы сæ фæлтæрддзинад хуыздæр кæндзысты 20 апрелмæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv