Кæронмæ æрхæццæ нывгæнæг Биганаты Зæринæйы равдыст

Хетæгкаты Къостайы хæдзар-музейы кæронмæ æрхæццæ нывгæнæг Биганаты Зæринæйы равдыст. Мадзалмæ æрбацыдысты аивады факультеты, нывгæнджыты хайады студенттæ. Цæгат Ирыстоны паддзахадон университеты ахуырдзуатæн фадат уыд Биганаты Зæринæйы сфæлдыстадимæ хæстæгдæр базонгæ уæвын. Зæринæйæн йе ’сфæлдыстадон арæнтæ сты уæрæх. Кæны хуызджын нывтæ. Цæуыл кусы - уый зæрдиагæй. Зонынц æй куыд дæсны колорист æмæ, йе сфæлдыстады ног авналæнтæ чи агуры, ахæмæй. Ирон æмæ Европæйы эстетикон модернизм æмдзу кæны абоны рæстæгимæ. Биганаты Зæринæйæн йæ равдыст у юбилеон. Экспозицийы ахорæнтæ сты ирд, æхцон æмæ зæрдæмæдзæугæ, дидинджытæм кæсгæйæ адæймаг бар-æнæбары йæхи хъуыдыты аныгъуылы. Ахæм цæстæнгасæй кæсынц куыстытæм аивадуарзджытæ дæр. Музейы кусæг Габеты Лаурæйы хъуыдымæ гæсгæ, ахæм равдыстытæ студенттæн ахсджиаг сты. Уымæн æмæ сæхæдæг уынынц нывгæнæджы курдиат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv