Хъыгдæрд æнæниздзинадимæ сывæллæтты реабилитацион центр «Алани» сбæрæг кодта йæ 25 азы. Сывæллæттæн æмæ организацийы кусджытæн арфæ кæнынмæ æрбацыдсты ведомствоты минæвæрттæ, æхсæнадон архайджытæ æмæ республикæйы цæрджытæ. Уазджытæн бацæттæ кодтой цымыдисаг æмæ хъæздыг концертон программæ. Кæфтыты, зарджыты æмæ театралон номыртæ. Сценæйыл сæ курдиат равдыстой ирон эстрадæйы артисттæ. Реабилитацион центр куы байгом, уæдæй абонмæ центры сабитæ раргом кодтой сæ курдиат. Фæсивæдимæ кусынц фæлтæрдджын специалисттæ.