Дмитрий Медведев æмæ регионты разамонджыты æмбырд

Архайдта дзы Битарты Вячеслав дæр. Ныхас дзы кодтой Цæгат Кавказы социалон-экономикон рæзт æмæ куыст дæттыны фарстатыл. Дмитрий Медведев экономикæйы рæзтæн Цæгат Кавказы фаг фадæттæ нæ федта. Уавæр фæхуыздæр кæнынæн фаг мадзæлттæ дæр – афтæ. Республикæты астæуккаг æмæ уæлдæр ахуыргæнæндæтты рауагъдонтæн куысты бынæттæ нæй. Уæрæсейы иннæ регионтимæ абаргæйæ, Кавказы республикæты æгуыст адæмы нымæц 2 хатты фылдæр у. Афтæмæй та ацы фарста алыг кæнынæн паддзахады разамынд дзæвгар æхца радих кæны. Ахъуыдыйаг ма у, æгуыст адæм куысты бынæттæй дзæвгар фылдæр кæй сты, уый. Фембæлды йæ раныхасы рæстæг Битарты Вячеслав уыцы хъуыдыимæ сразы: республикæйы 4 уæлдæр скъолайы рауагъдонтæн куысты бынæттæ фаг нæй. Фæлæ Ирыстоны уавæр фæхуыздæр кæныныл архайынц. Зæгъæм, ахуыргæнæндæттæ æмгуыст кæнынц компани «Норильский никель» æмæ æндæртимæ. Студенттæ практикæмæ цæуынц стыр куыстуæттæм, фæстæдæр дзы бирæтæ уым баззайынц. Ныртæккæ куыст цæуы номхыгъд фæфылдæр кæныныл. Сараздзысты æмгуыстады бадзырдтæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv