Хуыздæртæй хуыздæр

Сочийы уыд Уæрæсейы хуыздæр хореографон къордты 5-æм æппæтуæрæсеон конкурс. Цæгат Ирыстонæй конкурсы архайдта кафджыты къорд «Фидæн». Фæсивæд сæхи æнтысджынæй равдыстой. Адæмы зæрдæтæ балхæдтой Цæгат Кавказы националон кæфтытæй. Уæдæ сын жюрийы уæнгтæ дæр стыр аргъ скодтой. «Фидæн»-ы æртæ къорды дæр бацахстой фыццаг бынæттæ. Хистæр къорды архайджытæ та ма уыймæй уæлдай райстой грант. «Фидæны» хореограф Доййаты Маринæйы ныхæстæм гæсгæ, цы æхцайы фæрæзтæ рамбылдтой уыдон схардз кæндзысты ног кафæн уæлæдарæсыл . Зæгъдзыстæм ма уый æмæ кафджыты къорд «Фидæн» ахæм ерысты уæлахиздзау 4-æм хатт ссис. Ныртæккæ та сæхи цæттæ кæнынц æндæр конкурстæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv