Хъæууон хæдзарадон продукцийы бæрц Цæгат Ирыстоны сырæзт 11,6%

Хъæууон-хæдзарадон продукцийы бæрц Цæгат Ирыстоны сырæзт 11,6%. Рагагъоммæ бæрæггæнæнтæм гæсгæ æхцайы зилдухæй уый у 29 млрд 990 милуан сомы. Бæрæггæнæнтæ сты ахæмтæ: хоры тыллæг равдысты 791 мин тоннæйы, уый фаронимæ абаргæйæ у 3,6% фылдæр. Халсарты нымæц фæфылдæр 9,1%. Стурвосы нымæц у 92 мин сæрæй фылдæр. Фыстæ æмæ сæгътæ дарыны куыст дæр рæзы - 31,9%. Æппæты хуыздæр авналæнтæ ис, маргъы куыст чи кæны, уыдонæн. 2019 азы сæ хъомысыл бафтыд 68,8%. Стуры æмæ маргъы дзидза тæрхæджытыл бафтыд 20% бæрц, уæдæ æхсыры нымæцыл дæр фæбæрæг - 8,4%. Бафтаудзыстæм ма уый, æмæ 2024 азмæ Мæздæджы районы фæзындзæн, æхсыры куыст чи кæндзæн, ахæм стыр комплекс. Уым уыдзæн фондз мин стуры бæрц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv