Уæрæсейы Энергетикæйы министр Александр Новак куcгæ балцы ис Цæгат Ирыстоны

Нæ республикæйы сæргълæууæг Битарты Вячеславимæ æмæ профилон министрады минæвæртимæ ныхас кодтой регионы энергетикæйы къабазы райрæзтыл. Уæлдай æргом аздæхтой Хуссар Ирыстоны хъуыддæгтæм. Уырдæм нæ республикæйæ уадзынц рухсдæттæн системæ. Сæрмагонд проект æмбырды архайджыты рæгъмæ рахаста «Россети»-йы генералон директор Павел Ливинский. Йæ сæйраг нысан уыд, цæмæй Хуссар Ирыстонмæ энергон тых æнæ къуылымпытимæ хæццæ кæна. Профилон куыстуаты разамонæджы ныхæстæм гæсгæ, ныртæккæ республикæмæ электрон тых хæццæ кæны «Северный Портал – Джава»-йæ. Уый иунæг лини у. Хуссар Ирыстоны цæрджытæ арæх баззайынц æнæ энергон тыхæй. Проектмæ гæсгæ рухсдæттæн системæ цæудзæн. Ручъы тъунелы, къуылымпыдзинæдтæ та аиуварс кæндзысты. Александр Новакæн ма фехъусын кодтой Невинномысск æмæ Цæгат Ирыстоны иумæйаг системæйы тыххæй. Уый фæдыл «Магистральные электросети», зæгъгæ, куыстуат генералон директор Александр Солод бацæттæ кодта презетанци. Йæ ныхæстæм гæсгæ, ацы проекты фæрцы республикæйы энергетикон хъахъхъæнынад фæуæлдæр уыдзæн. Мæздæджы амайынц ног подстанцæ 500 киловольтыл. Егъау проектыл кусын райдыдтой 2017 азы. Инвестициты бæрц у 17 миллиард сомæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv