Бæхты театр «Нарты»-йы Мариуполь æмæ Донбассæй ссæуæг адæмæн бацæттæ кодтой сæрмагонд программæ

Зын уавæры чи бахауд, уыдоны фарсмæ æрбалæууын æмæ сын баххуыс кæнын. Бæхты театр «Нарты»-йы артисттæ Донбассæй ссæуæг адæмæн бацæттæ кодтой æцæг бæрæгбон. Симд, хонгæ кафт, аив æмæ цымыдисаг трюктæ. Артисттæ уазджыты сæ курдиатæй сцымыдис кодтой. Лыгъд адæмæн та уый нæ фаг кодта. Уæрæсейы æмбал кæмæн нæй, ахæм хуызы аивад зæрдæйы гуырын кæны æхсызгон æнкъарæнтæ. Нæ бæстæйы иунæг чи у, уыцы бæхты паддзахадон драмон театр «Нартæ» суазæг кодта Донбасс æмæ Мариуполæй ссæуæг аивадуарзджыты. Курдиатджын актертæ æмæ бæхты тренировкæ кæмæ хауы, уыцы дæсны специалисттæ равдыстой хохаг адæмы культурæ æмæ миниуджытæ. Мадзалмæ кæсджытæ сæхæдæг дæр уыдысты актерты бынаты. Екатерина Ракипова ахъазыд сæйраг фæлгонц. Спектакльмæ гæсгæ чызджы аскъæфтой. Æбарӕй йæ цæрæнбынат чи ныууагъта, уыдоны суазæг кодтой республикæйы санаториты. Цы бавзæрстой, уый æмбаргæйæ сын хорз зæрдæйы ахаст æвгъау кæнæн нæй. Сабыр цард чи нæ федта, уыцы сабитæн та уый у уæлдай ахсджиаг. Театрдзауты цæсгæмттыл - мидбылхудт. Уый та у сæйрагдæр. Светлана Форманюк Ирыстоны ис æрæджы. Алæмæты декорацитæ, ирд сурæттæ, æмæ, абарæн кæмæн нæй, ахæм джигитовкæмæ бакаст фыццаг хатт. Йе 'нкъарæнтæй махæн дæр фæхай кодта. Лыгъд адæмæн сæ рæстæг пайдаимæ арвитыны амидингæнджытæ сты бæхты театр «Нарты»-йы разамынд æмæ артисттæ. Ахæм хæрзаудæн мадзæлттæ аразыны хъуыдыимæ сты фыццæгты 'хсæн. Залы адæмæй къух бакæнæн нæ уыд. Театры хъайтарты тыхджын къухæмæдзæгъдæй сбуц кодтой сæдæ адæймагæй фылдæры. _________________________ Мы рядом в: vk.com/irystontv ok.ru/irystontv youtube.com/irystontv zen.yandex.ru/irystontv t.me/irystontv