Ирыстоны кæстæртæ сæхи фæлварынц аивадон ерысты

Ирыстоны кæстæртæн ногæй фадат ис сæхи аивадон ерысты бафæлварынæн. Куыд сын æнтысы, уымæн та аргъгæнджытæ сты жюрийы уæнгтæ æмæ аивадуарзджытæ. Республикæйы ныр æвдæм хатт цæуы фестиваль «Амыраны рухс». Сæйрагдæр хæс – фæсивæды базонгӕ кӕнын театралон традицитæ æмæ ирон драматургиимæ. Æвзарæн туртæ цæуынц дыууæ къæпхæнæй. Уæлахиздзаутæ æрвылаз æрбамбырд вæййынц Дзæужыхъæуы. Хуыздæр равдыстытæй арæзт æрцæуы гала-концерт. Сценæйыл - ирон фысджыты æмæ поэтты ирддæр уацмыстæ. Фæлæ, зындгонд артистты бæсты, сурæттæ æргом кæнынц сабитæ. Фарныхъæуы скъоладзаутæ æркастмæ равзæрстой Къостайы «Сидзæргæс». Йæ хъайтартæ цы зын уавæры сты, уый æрмæст сæ хъазт æмæ ныхасæй нæ архайынц равдисын, фæлæ ма суанг уæлæдарæсæй дæр. Ам декорацитæ бирæ нæй. Уæдæ архайджыты æддаг бакаст дæр сæйраг нæу. Жюрийæн ахсджиагдæр у, сывæллæттæ сæ равзæрст уацмысты хъуыды куыд æвдисынц, уый. Сценæмæ цалдæр уысммæ куы рахизай, уæддæр хъуамæ ирд, æнкъарæнтæй хъæздыг сурæт саразай. Ууыл сæ ахуыр кæнынц сæ аивадон разамонджытæ дæр. Сывæллæтты æмæ фæсивæдон театры фестиваль «Амыраны рухс» цæуы ныр 7-æм хатт. Ацы аз йæ архайджыты нымæц зынгæ фæфылдæр. 500 курдиатæй фылдæр авд здæхтмæ гæсгæ. Уæдæ, куыстытæн аргъ кæнгæйæ дæр, бирæ лыстæгдзинæдтæ ис. Уымæ гæсгæ, уæлахиздзауты равзарын æнцон нæ вæййы. Фестивалы фенæнæ ис ирон адæмон аргъæутты хъайтарты дæр. Зæгъæм, ацы сабитæ сæ равдысты иу хайæн ныхæстæ сæхæдæг ныффыстой. Уый, алы равдыст дæр литературон æвзагыл кæй хъуамæ уа, уый хынцгæйæ. Тæрхонгæнджытæ ахæм архайдæн уæлдай аргъ скæнынц. «Амыраны рухсæн» алы районы дæр вæййы 2 къæпхæны. Сæйраг нысан - рæзгæ фæлтæрæн ирон сфæлдыстад, нæ культурæ бауарзын кæнын. Уымæй уæлдай, фæсивæд раргом кæнынц сæ курдиаты гæнæнтæ. Уый та скъолазаутæ æмæ сæ аивадон разамонджытæн абон ахсджиаг у.