Бирæ азты иумæ

Сывæллæтты лагерь «Металлург»-ыл сæххæст 55 азы. Куырттаты комы сæ улæфæн бонтæ æрвылаз арвитынц 4 сменæйы. 800 сывæллонæй фылдæр. Æрбынат кæнынц Цæгат Ирыстоны рæсугъддæр кæмттæй иуы. Сыгъдæг уæлдæф æмæ хæрзад хæринæгтæ. Абон та ма бæрæгбоны концерт дæр. Æрцыдысты сæм нæ республикæйы зынггонддæр артисттæ. Циндзинады мадзæлттæ куыд ацыдысты, уый тыххæй бæлвырддæр радзурдзæн нæ уацхæссæг. Металлурджы, æцæгæйдæр, æнæкæрон циндзинад. Абон дæр афтæ. 55 азы юбилемæ сæхи иттæг хорз бацæттæ кодтой. 10 къорды иумæ баиу бавнæлдтой æмæ бацæттæ кодтой цымыдисаг равдыст. Фыццаг акафыдысты Симд. Уый фæстæ сæ алчидæр йæ курдиат сценæйыл равдыста. Сывæллæттимæ иумæ бæрæгбоны мадзæлтты архайынц нæ республикæйы зынгонд артисттæ. Уазæгуаты æрцыдысты завод «Электроцинчы» æмæ «Победиты» разамонджытæ. Стæй республикæйы хицауад дæр. Уыдон сывæллæттæн бæрæгбоны фæдыл раарфæ кодтой. Уæдæ афтид къухæй дæр не рбацыдысты. Лагерæн балæвар кодтой ноутбук, къамисæн аппарат, чингуытæ æмæ ма бирæ æндæр цыдæртæ. Media Camp – æрыгон журналисттæн æрхъуыды кодтой. Ам улæфынц дыууæ азы. Сæ ныхæстæм гæсгæ, ам цы уынынц, уыдон сæм тынг цымыдисаг кæсынц. Уæлдайдæр та сæ бонфæлтæрдджын специалисттимæ ныхас кæнын кæй у æмæ сын амынддзинæдтæ кæй дæттынц, уый. Ахуыртæй фæстæмæ ма сывæллæтæ улæфгæ дæр кæнынц. Райсомæй раджы фестынц æмæ æнæхъæн бон алыхуызон мадзæлтты сæхи ирхæфсынц. 55 азмæ «Металлурджы» 10 фæлтæрæй фылдæр уыдысты. Алы сæрды дæр дзы сæ фæллад уадзынмæ сæмбырд вæййынц 800 сывæллоны. Ацы аз ма уыдзæн 4 сменæ дæр. Байгом уыдзæн 12 августы. Иу иннæмæй хуыздæр æмæ цымыдисаг мадзалæй нырма разæй сты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv