Дзæуджыхъæуы йæ куыст райдыдта ирон æвзаджы рæзты центр
Дзæуджыхъæуы æрæджы йæ куыст райдыдта ирон æвзаджы рæзты центр. Проект æххæстгонд æрцыд регионы сæргълæууæг Сергей Меняйлойы хъæппæрисæй. Фæлтæрдджын специалистты къорд кусынц ног ахуырадон программæтæ, чингуытæ æмæ методикон æрмæджытыл. Ныридæгæн ахуыргæндтæ архайынц ирон æвзаг æмæ литературæйы чингуытæ электронон хуызмæ раивыныл. Уый руаджы сæ уыдзæн чингуыты федералон хыгъдмæ бахæссын. Центр ма æххуыс у сывæллæтты рæвдауæндæттæ æмæ райдиан кълæсты полилингвалон модель парахат кæнынæн. Ныридæгæн нæ республикæйы сты 96, фидæны аз ма сыл бафтдзæн ноджы 16. Ахуырадон-методикон æрмæджытæ сын сты цæттæ, фæлæ сæ хъæуы сног кæнын. Ууыл дæр центры бакусдзысты. Уымæй уæлдай ма фидæны аз рухс фендзысты 5-æй 11-æм къласы онг ирон литературæйæ чингуытæ. Æнтыстджынæй архайд цæуы ирон æвзаджы чингуытыл дæр.
Дзæуджыхъæуы æрæджы йæ куыст райдыдта ирон æвзаджы рæзты центр. Проект æххæстгонд æрцыд регионы сæргълæууæг Сергей Меняйлойы хъæппæрисæй. Фæлтæрдджын специалистты къорд кусынц ног ахуырадон программæтæ, чингуытæ æмæ методикон æрмæджытыл. Ныридæгæн ахуыргæндтæ архайынц ирон æвзаг æмæ литературæйы чингуытæ электронон хуызмæ раивыныл. Уый руаджы сæ уыдзæн чингуыты федералон хыгъдмæ бахæссын. Центр ма æххуыс у сывæллæтты рæвдауæндæттæ æмæ райдиан кълæсты полилингвалон модель парахат кæнынæн. Ныридæгæн нæ республикæйы сты 96, фидæны аз ма сыл бафтдзæн ноджы 16. Ахуырадон-методикон æрмæджытæ сын сты цæттæ, фæлæ сæ хъæуы сног кæнын. Ууыл дæр центры бакусдзысты. Уымæй уæлдай ма фидæны аз рухс фендзысты 5-æй 11-æм къласы онг ирон литературæйæ чингуытæ. Æнтыстджынæй архайд цæуы ирон æвзаджы чингуытыл дæр.