Хъæуты скъолаты сцалцæг кæндзысты спортивон залтæ

Национ проект «Ахуырад»-ы фæлгæты бындуронæй сцалцæг кæндзысты нæ республикæйы хъæуты скъолаты спортивон залтæ. Се 'хсæн - Рамоновы поселок, Елхоты 1-æм скъолайы, Нартыхъæуы, Камбилеевкæйы 1-æм скъола æмæ Архонкæйы 1-æм æмæ 2-æм скъолаты. Уый тыххæй хъусын кæнынц ахуырад æмæ наукæйы министрадæй. Залтæн ногтæй раивдзысты сæ дуæрттæ æмæ рудзгуытæ. Пъолтыл сæвæрдзысты фанер. Уый сæрыл та - сæрмагонд спортивон линолеум. Сæ къултыл фæзындзæн сæрмагонд маттæ, цæмæй дзы сывæллæттæ æдасæй сæ рæстæг æрвитой. Базилдзысты се `ддаг бакастмæ дæр. Материалон-техникон æгъдауæй залтæ къорд азы цалцæггонд нæ уыдысты. Куыстытæн федералон бюджетæй рахай кодтой 20 милуан сомæй фылдæр. Национ проекты фæлгæты 2019 азы бындуронæй сцалцæг кодтой республикæйы хъæуты 6 спортивон залы. Проектыл кусдзысты 2024 азмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv