Нывгæнынадмæ уарзондзинад

Алагиры бæстæзонæн музейы байгом Таучелаты Тамерланы куыстыты равдыст. Æрыгон нывгæнæгæн ахæм сæрмагонд экспозици у фыццаг. Кусы цымыдисаг техникæйæ. Адæммæ гуырын кæны аивадмæ уарзондзинад. Йæхæдæг куыд зæгъы, афтæмæй йæ æрмадз - у Хуыцауы æрмадз. Йæ алы нывæн дæр ис йæхи æрмдзæф. Курдиатджын нывгæнæджы мидвАрн - дисы æфтауы. Адæмы размæ Тамерлан рахаста фæстаг цыппар азмæ цы нывтæ скодта, уыдон. Нывгæнæгæн раарфæ кæнынмæ 'рбацыдысты Алагиры районы культурæйы кусджытæ, Тамерланы хæлæрттæ æмæ йын йæ аивад чи уарзы уыцы фæсивæд. Мадзал саразын баххуыс кодтой Алагиры районы депутаттæ. Проект «Æрмæджы» фæлгæты ацы равдыст у дыккаг. Экспозицийы сæргълæууæг у Гагкайты Самантæ. Равдыст цæудзæн мæйæ фылдæр æмæ йæм алкæй бон бакæсын у. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv