Разæнгард сты

Цымыдисаг хъуыды, бизнес-план æмæ паддзахадон программæйы архайынмæ курдиат бадæттын. Уыдæтты руаджы амалхъом адæмæн ис грант рамбулæн дæр. Куыст дæттыны комитеты æххæст кæнынц «Уæлæмхасæн мадзæлтты» федералон программæйы домæнтæ Цæгат Ирыстоны. Проект адæмæн куысты ног бынæттæ саразынæн пайда у. Йæ ахадындзинадæн æвдисæн - нæ дарддæры æрмæг. Зарина Литвиненко цин кæны æрбацæуæгыл, алы уазæджы зæрдæ дæр балхæны йæ бахудтæй. Адджинæгтæ кæнын Заринæйæн уыд йе `стырдæр бæллиц æмæ йæ къухы бафтыд. Дизайныл чызг бакуыста йæхæдæг. Дукани у аив арæзт. Сæйрагдæр та уый у æмæ чызджы къухæй конд адджинæгтæ адæм бауарзтой. Зарина Литвиненко: «Ис мын стыр бинонтæ, æртæ сывæллоны. Куыстон бухгалтерæй. Мæ цоты-иу арæх нæ уыдтон, фæндыди мæ-иу семæ арæхдæр хъазын. Уымæ гæсгæ сфæнд кодтон адджинæгты дукани байгом кæнын. Хуымæтæджы цыппар къулы самайын нæ, фæлæ йæм адæм хорз æнкъарæнтимæ, зæрдæрайгæйæ куыд цæуой, ахæм». Хи куыстуат байгом кæнынæн Зæринæ балæвæрдта курдиат «Уæлæмхасæн мадзæлтты» федералон программæйы архайынмæ. Уый руаджы райста грант. Æхцайы фæрæзтæй амалхъом адæймаг балхæдта сæрмагонд кусæнгæрзтæ æмæ инвентарь. Паддзахадон æххуысы сæйраг домæн - куысты бынæттæ саразын. Марина Нестеренко, уæйгæйнæг: «Ацы дуканийы фæллой кæныны фадат мын радтой адæмæн куыст дæттыны комитеты. Æхсызгонæй сразы дæн. Мæ куысты уавæртæй зæрдæ райы. Тынг мæ фæнды, цæмæй дуканийы куыст бирæ ахæсса. Цæмæй ацы бынаты æз дæр афæдзæй фылдæр бакусон». 200 мин сомы бæрц субсидитæ ацы аз райстой 103 амалхъом адæймаджы. Уый фæрцы ног куысты бынæттыл ныллæууыдысты 206 адæймаджы. Гранттæ райсынмæ æдæппæтæй курдиæттæ балæвæрдтой 200 амалхъом адæймагæй фылдæр. Хуыздæрты равзæрста сæрмагонд къамис. Уæлæмхасæн мадзæлтты программæ æххæст кæнынæн федералон бюджетæй радих кодтой 60 милуан сомы. Æхцайы фæрæзтæй спайда кæнын хъæуы афæдзы кæронмæ. Амалхъом адæмы сразæнгард кæнынæн дзы бахардз кæндзысты 20 милуан сомы. Программæйы руаджы алыхуызон дæсныйæдты кусджытæ ацæудзысты профессионалон æмвæзад бæрзонддæргæнæн ахуыртæ. Адæмæн куыст дæттыны комитеты зæрдæ дарынц, федералон æххуысы программæйæ иннæ аз дæр спайда кæнæн кæй уыдзæн, ууыл _ Мы рядом в: vk.com/irystontv instagram.com/irystontv youtube.com/irystontv twitter.com/irystontv