Джызелы хъæуы цæрджытæн радих кодтой ног æхсæнадон автобустæ

Джызæлы уынгты, æрлæууæн бынæтты, бæлцæттæ кæд раздæр сахатгай æнхъæлмæ кастысты æхсæнадон транспортмæ, уæд абон уавæр зынгæ æндæр хуызон у. Нæ республикæйы промышленность æмæ транспорты министрады уынаффæмæ гæсгæ, Джызæлæй-Дзæуджыхъæумæ марштурыл сæвæрдтой дыууæ уæлæмхасæн автобусы. Раздæр фаг кæй нæ кодтой, уый сын дзæвгар бирæ къуылымпыдзинæдтæ æрхаста. Уæлдай дæр изæры`рдæм. Уый о, раздæр дзы маршрутон æмæ æнæуи таскитæ цыдысты. Уытæм æнхъæлмæ кæсгæйæ адæмыл изæр кодта, аттæм сидгæйæ та, адæмы дзыппытæ афтид кодтой. Ныр цы автобустæ цæуынц хъæуы, уыдон аргъ дæс хатты къаддæр у. Нæ уацхæссæг Къутæрты Аидæ абон Джызæлæй Дзæуджыхъæуымæ ссыд æхсæнадон транспорты. Аныхас кодта бæлцæттимæ æмæ бацæттæ кодта мæнæ ацы æрмæг. Бакæсæм ма йæм. Ныр Джызæлы уынгты, æрлæууæн бынæтты, бæлцæттæ сахатгай æнхъæлмæ кæсын нал хъæуы. Раздæр иу куыд уыд: æхсæнадон транспортмæ адæм лæууыдысты сахатгай. Фæлæ иу маршруткæ куы ратындзыдта, уæд иу æвваст айдзаг. Раст афтæ æмæ дзы къах бавæрæн дæр иннæтæн нал уыд. Стæй, такси агурæг цыдысты. Уый та бирæты дзыпп нæ амыдта. Хъæуы цæрджытæ рагæй загъд кодтой ацы фарстайы фæдыл. Автобустæ сæм кæй нæ цыд, уый хаста бирæ къуылымпыдзинæдтæ. Уæлдай дæр изæры рдæм. Хъуыддаг хуыздæры `рдæм фæивдта сæ курдиат нæ республикæйы промышленность æмæ траспорты министрадмæ куы бахастой, уæд. Ныр, хъæуы уынгтыл иу иннæйы æфдыл ног æхсæнадон хæдтулгæтæ сыффыт кæнынц. Ныртæккæ Джызæлæй-Дзæуджыхъæуымæ маршрутыл бафтыд 2 автобусы. Цæуынц нысангонд рæстæгмæ. Автобусты шофырты ныхæстæм гæсгæ, раздæр маршрутон такситæм æнхъæлмæ кæсгæйæ Джызæлы цæрджытæ бирæ рæстæг сафтой. Уыимæ ма иу, цалынмæ адæмæй нæ байдзаг уæдмæ бынатæй нæ фенкъуысыдаид. Автобусы билет у 20 сомы. Маршруткæйæ къаддæр. Уый дæр, цæрджыты зæрдæтæ æлхæны. Ахæх ног фадæттæ сæм кæй фæзынд, уымæй та сты уæлдай бузныг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv