Куысты рæстæг йе ’нæниздзинад кæмæн фæцудыдта, уыдонæн балæвар кодтой «Гранта» хæдтулгæтæ

Куысты рæстæг йе ’нæниздзинад кæмæн фæцудыдта, уыдонæн балæвар кодтой «Гранта» хæдтулгæтæ. Республикæйы 5 цæрæгæн ног хæдтулгæтæ радта социалон фæдзæхстады фонды регионалон хайад. Машинæтæ конд сты, фаг змæлынмæ чи нæ арæхсы, ахæм адæмы гæнæнтæ хынцгæйæ. Чи сæ райса, уымæн æй ногыл баивæн уыдзæн 7 азы фæстæ. Афтæмæй фæдзæхстады социалон фонд æрвылаз йæ хæс æххæст кæны, куысты рæстæг йе ’нæниздзинад кæмæн фæцудыдта, уыцы цæрджыты раз. Ныхас цæуы, уæззау рынчын чи фæци кæнæ цæфтæ чи фæци, уыдоныл. Фидынц ма сын æрвылмæйон фиддонтæ. Æнæмæнг сæ хъæуы санаторитæм æрвитын æмæ ифтонг кæнын хъæугæ медикаменттæй. 2001 азæй фæстæмæ æдæппæтæй хæдтулгæтæ компенсацийы хуызы райстой 140 адæймаджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv